Радио Тајм ФМ е медиумска куќа која е основана во 1995та година и е единствен радио медиум од Општина Гевгелија. Медиумот работи по светски пропишани стандарди, по популарниот „топ 40“ формат на радио станица и нуди 24 часовна квалитетна радио програма, исполнета со едукативни и забавни содржини, контактни емисии и пред сè - музика за сечиј вкус.
Екипата на радио - медиумот ја сочинуваат млади ентузијасти, суштински вљубеници во музиката и радиото, кои се веќе одамна докажани имиња во оваа професија. Радиото обезбедува квалитетен сигнал на својата фрекфенција и ги покрива општините: Гевгелија, Богданци, Валандово, Дојран, дел од Струмичкиот, како и дел од Радовишкиот регион. Покрај големиот процент на покриеност, популарноста, односно слушаноста на медиумот е на изразено високо ниво. Тоа го потврдуваат последните анкети спроведени од Агенцијата за Аудио и Аудиовизуелни услуги на РМ (АВМУ), според која Радио Тајм ФМ е радиото со најголема слушаност и највисок рејтинг од локалните и регионалните радио станици во Република Македонија, веќе 6 години по ред. Радио Тајм ФМ е единствен радио - медиум на оваа територија кое комплетно ги исполнува условите зададени од Агенцијата за Аудио и Аудиовизуелни услуги на РМ (АВМУ), односно е единствен приватен медиум кој работи со лиценца. Оваа медиумска куќа се финансира исклучиво од реклами, соопштенија и разни комерцијални објави и спонзорства.
Радио Тајм ФМ е секогаш отворен за деловна соработка со Вас и Вашата компанија. Финансиските услови се секогаш поволни и прилагодени на Вашите услови и барања.
